Մերձավոր Արեւելքում ստեղծում են հայ-քրդա-հրեական եռանկյունի. PKK-ի հիմնադիր

Թուրքիայում ցմահ բանտարկության դատապարտված PKK-ի նախկին առաջնորդներից Շեմդին Սաքըքը քրդական հարցի կարգավորման եւ տարածաշրջանի աշխարհաքաղաքական իրավիճակի հետ կապված նամակ է գրել թուրքական IHA լրատվական գործակալությանը։
Արդեն 18 տարի բանտում գտնվող եւ այդ ընթացքում 17 գիրք գրած Շեմդին Սաքըքն IHA-ին ուղարկած նամակում հետաքրքիր մտքեր է հայտնել Մերձավոր Արեւելքում տեղի ունեցող իրադարձությունների հետ կապված։
Շեմդին Սաքըքն առանց կոնկրետ անուններ տալու նշել է, թե ցանկանում են Մերձավոր Արեւելքում հայ-քրդա-հրեական եռանկյունի ստեղծել։ «Եթե Սիրիայում շարունակվի Ասադի իշխանությունը, ապա Սիրիայի հողերը Թուրքիայի համար կլինեն ճահիճ, իսկ խառնաշփոթի շարունակության դեպքում Սիրիայում էլ կաշխատեն ստեղծել Քուրդիստան։ Այսպես ասած Քուրդիստանի նախագիծը ենթադրում է Մերձավոր Արեւելքում վերջ դնել հրեական միայնությանը եւ հայերին փրկել մեկուսացումից»,-նշել է Սաքըքը՝ շեշտելով, թե ցանկանում են Մերձավոր Արեւելքում ստեղծել հայ-քրդա-հրեական եռանկյունի։
http://news.am/arm/news/242040.html