Թուրքերն այժմ էլ լավաշն են թուրքական համարում ու աղմուկ են բարձրացնում ՅՈՒՆԵՍԿՕ-ի որոշման դեմ

Միավորված ազգերի Կրթության, գիտության և մշակույթի կազմակերպության՝ ՅՈՒՆԵՍԿՕ-ի կողմից հայկական լավաշը ոչ նյութական մշակութային ժառանգության ցանկում ընդգրկելու որոշումից հետո Թուրքիայում հերթական հակահայկական արշավն է սկսվել:
Թուրքական լրատվամիջոցներն այժմ էլ պնդում են, թե լավաշը ոչ թե հայկական, այլ թուրքական ու ադրբեջանական հացատեսակ է:
Թուրքերը պնդում են, թե լավաշը թուրքական հարսանիքների զարդն է եղել, և լավաշ թխելու արարողությունը հարսանիքի արարողակարգի անբաժան մասն է եղել:
Ավելին՝ թուրքերը պնդում են, թե հարսի ու փեսայի ուսին լավաշ գցելը ևս թուրքական սովորույթ է՝ առատություն և բարեկեցություն է խորհրդանշում:
Թուրքիայի մշակույթի և զբոսաշրջության նախարար Օմեր Չելիքը նշել է, որ իրենք Ադրբեջանի հետ համատեղ թղթապանակ են պատրաստում ՅՈՒՆԵՍԿՕ-ին ներկայացնելու համար, որպեսզի որոշ բաներ, այդ թվում՝ լավաշը, իրենց համատեղ մշակութային ժառանգությունը համարվի:
http://www.tert.am/am/news/2014/11/27/lavash-turkey/