Քուրդ պատգամավորը Հայոց ցեղասպանության մասին օրինագիծ է ներկայացրել Թուրքիայի խորհրդարան

Թուրքիայի Ժողովուրդների դեմոկրատական կուսակցության (ԺԴԿ-HDP) կին պատգամավոր Սեբահաթ Թունջելը Թուրքիայի խորհրդարան է ներակայացրել մի օրինագիծ, որով առաջարկում է ընդունել Հայոց ցեղասպանության համար երկրի նախագահ Ռեջեփ Էրդողանի` հայերից ներողություն խնդրելու մասին առաջարկը: Ընդ որում ներողությունը նա պետք է խնդրի պաշտոնապես ողջ Թուրքիայի Հանրապետության անունից:
Ինչպես հաղորդում է «Արմենպրես»-ը` վկայակոչելով Ermenihaber.am-ը, առաջարկվող օրինագծի համաձայն` Թուրքիայի նախագահը պետք է պաշտոնապես ներողություն խնդրի խորհրդարանի ամբիոնից:
Իսկ հաջորդ օրը կոտորածի վայրերից մեկում նախագահի կողմից պետք է ընթերցվի ներողություն խնդրելու տեքստը: Դրանից հետո առավելագույնը 1 տարվա ընթացքում պետք է ստեղծվի խորհրդարանական հանձնաժողով, որի առաջ պետք է բացվեն պետական բոլոր արխիվները:
Օրինագծով առաջարկվում է ապրիլի 24-ը սգո օր հայտարարել ու ամրագրել օրացույցում, ինչպես նաև կատարել նյութական ու բարոյական փոխհատուցում:
Պատգամավորը Հայոց ցեղասպանության հետ մասին իր օրինագծում հիշատակում է նաև Դերսիմի, Մարաշի, Սվասի, Չորումի քրդական կոտորածների մասին:
http://www.tert.am/am/news/2014/11/26/turq-qrdakan-hay-cexaspanutyun/