Թուրքիայում հին հայկական գյուղում գանձ որոնողները տրակտորով անցքեր են փորել

Էրզրումի (Կարին-Ակունքի խմբ.) Քարայազը շրջանից 15 կմ հեռավորությամբ գտնվող հին հայկական բնակավայրում գիշերն անհայտ անձինք գանձ են որոնել, տեղեկացնում է Dicle լրատվական գործակալությունը:
Հայերից մնացած թռչնի պատկերով ժայռի տակ գանձ որոնողները տրակտորով անցքեր են փորել:
Շրջակայքի բնակիչները տեղեկացել են այդ աշխատանքների իրականացման մասին և գնացել հայկական թաղամաս, ինչից հետո անհայտ անձինք, թողնելով տրակտորը, հեռացել են:
Նույն շրջանում օգոստոսի 26-ին գանձ որոնելու ընթացքում 7 մարդ էր ձերբակալվել, այդ թվում՝ մեկ հայ:
Ավելի ուշ նրանցից առգրավվել էին օգտագործվող գործիքներն ու նրանց ազատ էին արձակվել:
Բյուզանդացիների և հայերի ժամանակաշրջանում գոյություն ունեցած բնակավայրը 1915թ.-ի Հայոց ցեղասպանությունից հետո լքվել է:
Պնդումները, թե հայերը հեռանալուց առաջ թաքցրել են իրենց թանկարժեք իրերը, գանձ որոնողներին հաճախ են ստիպում այցելել այստեղ:
Դեպքի առնչությամբ քննություն է սկսվել:
http://www.tert.am/am/news/2014/11/24/armenian-village/