«Կողպված դարպասը». երկօրյա խորհրդաժողով՝ Անկարայում

Նոյեմբերի 22-23-ը Թուրքիայի մայրաքաղաք Անկարայի համալսարանում անցկացվել է համաժողով` «Կողպված դարպասը․ Թուրքիա-Հայաստան սահմանի ապագան» խորագրով:
Այն նպատակ ունի անդրադառնալու «փակ սահմանի քաղաքականությանը»՝ դրա քաղաքական, տնտեսական, սոցիալական, բնապահպանական, մարդասիրական և տարածաշրջանային խնդիրների հետ, ինչպես նաև Կովկասում խաղաղության կառուցման հեռանկարներին:
Խորհրդաժողովը նպատակ ունի հարցադրումների միջոցով նպաստել բաց թողնված հնարավորությունների մասին միջսահմանային երկխոսությանը և խրախուսել խոչընդոտները վերացնելու և տարածաշրջանային համագործակցությանն ու ինտեգրացիային նպաստելու նախաձեռնությունները:
Խորհրդաժողովին մասնակցել են պատմության, քաղաքագիտության, տնտեսագիտության և տարածաշրջանային սոցիոլոգիայի ոլորտի հետազոտողներ և փորձագետներ: Աշխատանքային լեզուներն են անգլերենը, թուրքերենը և հայերենը (զուգահեռ թարգմանությամբ)։
Կոնֆերանսի նյութերը կամփոփվեն գրքում, որը 2015թ. լույս կընծայի Հրանտ Դինք հիմնադրամի հրատարակչությունը:
Գիտական կոմիտեում ընդգրկված են Ասաֆ Սավաշ Աքաթը (Բիլգի համալսարան, Թուրքիա), Ալեքսանդր Իսկանդարյանը (Կովկասյան ինստիտուտ, Երևան), Զումրութ Իմամօղլուն (Բահչեշեհիր համալսարան, Թուրքիա), Ահմեթ Ինսելը (Գալաթասարայ համալսարան, Թուրքիա), Ռայմոնդ Գևորգյանը (Փարիզի համալսարան, Ֆրանսիա), Ֆուաթ Քեյմանը (Սաբանջը համալսարան, Թուրքիա), Ժիրայր Ջ. Լիպարիտյանը (Միչիգանի համալսարան, պաշտոնաթող, ԱՄՆ), Հ․ Նեշե Օզգենը (Միմար Սինան համալսարան, Թուրքիա), Վոլկան Վուրալը (Թուրքիայի արդյունաբերության և բիզնես ասոցիացիա, Թուրքիա), Թոմաս դե Վաալը (Carnegie Endowment for International Peace, ԱՄՆ):
http://civilnet.am/2014/11/21/hrant-dink-foundation-conference-sealed-gate-prospects-turkey-armenia-border-ankara/#.VHLiotKsV4I