Վերջին շրջանում թե Հայաստանում, թե Թուրքիայում եւ այլուր մեծացել է հետաքրքրությունը Թուրքիայի Սեւծովյան տարածաշրջանում բնակվող բռնի մահմեդականացված համշենահայերի նկատմամբ։
Ծնունդով Թուրքիայի Ռիզեի շրջանից Իսմաիլ Գյունեյ Յըլմազը սեփական բլոգում ներկայացրել է իր ուսումնասիրության արդյունքը, որում տարբերակել է մի քանի նահանգներում այն բնակավայրերը, որտեղ ապրում են համշենահայերն ու լազերը։ Հեղինակը նաեւ գրել է ժողովրդի կողմից հիշատակվող անունները եւ նոր անունները։
Հիշյալ ցանկը ներկայացնելուց առաջ հիշեցնենք, որ այն հեղինակի գրածն է եւ կարող է ունենալ բացթողումներ.
ԱՐԴՎԻՆԻ ՆԱՀԱՆԳ. Հոպա կամ Խոփա։ Հեղինակը պնդում է, թե այն ավանդաբար լազերի բնակավայրն է եղել, սակայն ներկայում այնտեղ ճնշող մեծամասնությունը համշենցիներն են։ Նշվում է, որ Հոպայի համշենցիների լեզուն համշենի լեզուն է (հայերեն-խմբ):
Հոպայի շրջանում համշենցիների գյուղերն են.
Գվարջի, Կարջի (Կարճ-խմբ), նոր անունը՝ Հենդեք
Զենդիդի, նոր անունը՝ Բալըքքյոյ
Զուրփիջի, նոր անունը՝ Յոլդերե
Արդալա, նոր անունը՝ Էշմեքայա
Զարգինա, Չարգինա, նոր անունը՝ Գյունեշլի
Խիգոբա, նոր անունը՝ Բաշօբա
Չավուշլու
Զալոնա, Զալունա, նոր անունը՝ Քոյունջուլար
Անչիրոխի, նոր անունը՝ Փընարլը
Քեմալփաշայի հատված. Կենտրոնում բնակչության կեսից ավելին համշենցիներ են։
Հետզելան, նոր անունը՝ Քարաօսմանօղլու
Օսմանիյե
Շանա, նոր անունը՝ Քայաքյոյ
Խեմշիլուղի, Մոլիսոր, Վեյիսարփ, նոր անունը՝ Քազըմիյե
Չանչախունա, նոր անունը՝ Չամուրլու
Խելուքեդ, նոր անունը՝ Գյումուշդերե
Չոլիքեդ, Մեդողումքեդ, Զենդիդի, նոր անունը՝ Աքդերե
Սումջումա, նոր անունը՝ Ուչքարդեշ
Բորչքայի շրջանի հետ կապված հեղինակը չի կարողացել հստակ տեղեկություններ ստանալ համշենցիների գյուղերի վերաբերյալ եւ խուսափել է հայտնել տվյալներ։
ՌԻԶԵԻ ՆԱՀԱՆԳ. Ֆընդըքլըի շրջան, հեղինակը պնդում է, թե նրա կենտրոնը լազերի բնակավայր է, սակայն այս պահին ապրում են նաեւ համշենցիներ, ինչպես նաեւ քիչ թվով քրդեր եւ թուրքեր։ Հեղինակը նշում է, թե Ֆընդըքըլի շրջանի համշենցիների մեծ մասը համշեներեն (հայերեն-խմբ) չգիտի եւ խոսում է թուրքերեն։
Խեմշիլաթը, նոր անունը՝ Յայլաջըլար
Խեմշեթի, նոր անունը՝ Դողանայ
(շարունակելի)
http://news.am/arm/news/240050.html
Leave a Reply