Այս որոշումը դարձավ Ինջի թատրոնի մահապատիժը

Ինչպե՞ս Ինջի կինոթատրոնը քայլ առ քայլ քանդվեց: Ո՞րն է ճշմարտությունը:
Էրջան Սարըքայա
«Եշիլչամ» ֆիլմերի պատմական վայրի՝ Ինջի կինոթատրոնի տեղում հյուրանոց կառուցելու համար այն հողին են հավասարեցրել: Մինչ թուրքական կինեմոտոգրաֆիան, որն իր պատմական ճանապարհորդությունը սկսել է Ֆուադ Ուզքընայի «Սուրբ Ստեփանոսում ռուսական հուշարձան» վավերագրական ֆիլմով, այս տարի տոնում է իր 100-ամյակը, քանդվեց ևս մեկ պատմական կինոթատրոն: 1946 թ. կառուցված Ինջի կինոթատրոնը, որը երկար ժամանակ հանդիսանում էր «Եշիլչամ»-ի ֆիլմերի ցուցասրահ, արժանացավ «Էմեք» կինոթատրոնի ճակատագրին:
Խորհրդարանի որոշումը դարձավ մահապատժի հրաման
Հալասքարգազի պողոտայի և Նիշանթաշըի հատման վայրում գտնվող հայ կաթոլիկ Մխիթարյան վանքի ու դպրոցի հիմնադրամին պատկանող 15 հզար 409 քառ. մ. տարածքում տեղակայված էին «Ինջի» կինոթատրոնը, խանութներ, Փանգալթըի մասնավոր հայկական նախակրթարանն ու վարժարանը և Փանգալթըի հայոց կաթոլիկ եկեղեցին: Նախագծային փոփոխությունների համար հիմնադրամը դիմել էր Ստամբուլի քաղաքապետարանին: Թեև Բույուքշեհիրի քաղաքապետարանի խորհրդի ԺՀԿ-ական անդամները դեմ էին քվեարկել, սակայն ձայների մեծամասնությամբ որոշում կայացվեց, որ հողակտորի վրայի դպրոցն ու եկեղեցին նույնությամբ պահպանելու են, իսկ կինոթատրոնի և խանութների տեղում հյուրանոց և կացարան են կառուցվելու:
Թուրքական կինոթատրոնի100-ամյակին քանդվեց Ինջի կինոթատրոնը:
Նախագծման վարչությունը դեմ է արտահայտվել փոփոխությանը, սակայն…
Ստամբուլի Բույուքշեհիրի քաղաքապետարանի խորհրդին ուղարկված Բարեկարգման հանձնաժողովի զեկույցում Նախագծման վարչությունը դեմ է արտահայտվել կատարված փոփոխությանը: Վարչությունը մասնավորապես կարծիք է հայտնում. «Մոտավորապես 8 400 քառ. մ տարածքը սոցիալական կիրառման համար նախատեսված ոլորտից դարձնում են հյուրանոցային ոլորտ: Հայտնի է, որ վերացված սոցիալական ոլորտի համար նոր տարածք չեն հատկացնում, սակայն ըստ Նախագծման վարչության՝ բարեկարգման նախագծերում ներառված սոցիալական և տեխնիկական ենթակառույցների ոլորտի վերացումը, փոքրացումն ու տեղափոխումը չի կարող իրականացվել, եթե նախագծային փոփոխությունները խնդիրներ են առաջացնում: Խնդրահարույց իրավիճակում անհրաժեշտ է շինության ծառայություն մատուցվող շրջանում նոր տարածք հատկացնել»: Նախագծի հաշվարկները կատարվել է` ներառելով նաև դպրոցն ու եկեղեցին: Նկատելի է, որ զբոսաշրջության համար նախատեսված տարածքը գետնի մակերեսից վեր է խոյանալու 5.40 մ, հաշվարկից դուրս մնացած գետնահարկերը, նկուղային հարկերն ու առևտրական նպատակներով առանձնացված ավտոկայանատեղիները ներառելու դեպքում այս տարածքն է’լ ավելի է մեծանալու: Բացի այդ, եկեղեցու և դպրոցի տարածքի բարեկարգման իրավունքը երկու անգամ օգտագործվել է: Վերոհիշյալ տարածքի մի մասը Թաքսիմ-4-րդ Լևենթ մետրոյի պաշտպանական ծածկի կազմում, կառույցի հիմքը կրճատելու տարածքում է մնացել, նկուղային հարկի կառուցապատման հողակտորը նախատեսվում էր, որ ամբողջությամբ կկառուցապատվի, մետրոյի գիծն է անուշադրության մատնվել: Երևում է, որ իրականացվելիք նախագծային փոփոխությունը մեծացնելու է պողոտայի վրայի կառույցների թիվը, մարդկանց և մեքենաների հոսքը, ծրագիրն ամբողջությամբ խախտելու և կրճատելու է սոցիալական կիրառման համար նախատեսված տարածքը»: Ահա այս հիմնավորմամբ նախագծային փոփոխության վերաբերյալ վարչությունը բացասական կարծիք է հայտնել, սակայն չնայած բացասական կարծիքին՝ խորհրդարանում ձայների մեծամասնությամբ որոշում է կայացվել:
80 հազար քմ շինարարություն
Բույուքշեհիրի թաղապետարանի խորհրդով հաստատված որոշման մեջ շեշտվում է՝ «Զբոսաշրջության համար նախատեսված ասպարեզում կարող են տեղ գտնել հյուրանոցի, մոթելի և հյուրատան բնույթի շինություններ, մինչ երեկո գործունեություն ծավալելու համար նախատեսված կառույցներ, իսկ գետնահարկում և առաջին նկուղային հարկերում ավտոկայանատեղի և առևտրի համար նախատեսված բաժիններ: Գետնահարկերը կարելի է կառուցել հողատարածքով մեկ: Առաջին նկուղային հարկը կարելի է բնակեցնել և շինարարության հարկաբաժանման մեջ ներառված չէ: Մյուս նկուղային հարկերում, ավտոկայանատեղու չափորոշիչների համաձայն, առանձնացնելուց հետո մնացած հատվածում կարելի է առևտրական ավտոկայանատեղի առանջնացնել. սրանք ներառված չեն շինարարության հարկաբաժանման մեջ: Շինարարության հարկաբաժանումը 3 հարկից է բաղկացած, իսկ բարձրությունը՝ 27,50 մ է»: Խորհրդի որոշմամբ` վայրը, որտեղ գտնվում է Ինջի կինոթատրոնը, 45 հազար քառ. մ, ինչը նշանակում է, որ կարելի է 9 հարկանի հյուրանոց և առևտրի կենտրոն կառուցել: Որոշման մեջ ասվում է, որ նկուղային հարկերի հետ միասին` շինարարության հրապարակը կազմում է 80 հազար քառ. մ տարածք:
Նախագծի չեղարկման դատավարությունը շարունակվում է
Նախագիծը խորհրդով հաստատվելուց հետ ԺՀԿ-ական Դուրսուն Չալթըն և Հյուսեին Սաղը նախագծի չեղարկման համար դիմեցին դատարան: Երբ Ստամբուլի վարչական դատարանը մերժեց դատական գործը՝ իր իրավասությունների սահմաններից դուրս լինելու հիմնավորմամբ, խորհրդի անդամները դիմեցին Պետխորհրդին, որը տեղական դատարանի որոշումը չեղյալ հայտարարեց: Մինչ դատական պրոցեսն ընթանում է տեղական դատարանում, Ինջի կինոթատրոնը հողին հավասարվեց:
Նախագծն իրականացնում է նախկին ԱԶԿ-ական խորհրդի անդամը
Հիմնադրամին պատկանող հողակտորում նախագիծն իրականացնում է ԱԶԿ-ի Ստամբուլի Բույուքշեհիրի թաղապետարանի խորհրդի ԱԶԿ-ական անդամ, գործարար Մեհմեդ Ույանօղլուն, ով հայտնի է Բեշիքթաշում փոքրամասնություններին պատկանող հողակտորներում կատարվող շինարարություններով:

http://www.gercekgundem.com/kultur-sanat/72750/inci-sinemasinin-idam-fermani-bu-karar-oldu
Թարգմանեց Անահիտ Քարտաշյանը
Akunq.net