Էրդողանը կընդունի Ցեղասպանությունը, եթե ժողովուրդն իր պես մտածի. Հալաչօղլու

Թուրք տխրահռչակ պատմաբան, Թուրքիայի պատմագիտական խորհրդի նախկին տնօրեն Յուսուֆ Հալաչօղլուն հայտարարել է, որ եթե Թուրքիայի հասարակությունը մի քիչ Էրդողանի պես մտածի, ապա Էրդողանն անմիջապես կճանաչի Հայոց ցեղասպանությունը։
Թուրքական İnternethaber կայքի լրագրողի հետ հարցազրույցում ներկայում Ազգայնական շարժում կուսակցության խորհրդարանական խմբակցության փոխնախագահ հանդիսացող Յուսուֆ Հալաչօղլուն խիստ քննադատել է թուրքական իշխանություններին՝ Հայոց ցեղասպանության ճնշումներին կուլ գնալու եւ զիջումներ անելու համար։
Հալաչօղլուն պնդել է, թե հայերը ստում են՝ նշելով 1,5 մլն թիվը՝ ավելացնելով, թե իրականում «հայերն են կոտորել թուրքերին» եւ շեշտել, թե իբր հայերը կոտորել են 518 հազար 301 թուրք մուսուլմանի։
Յուսուֆ Հալաչօղլուն, քնադատելով Հայկական հարցում Էրդողանի որդեգրած քաղաքականությունը, նշել է, որ եթե թուրքական հասարակության մի փոքր մասն էլ Էրդողանի պես մտածի, ապա Էրդողանն անմիջապես կճանաչի Հայոց ցեղասպանությունը։
http://news.am/arm/news/239675.html