Վալերի Բուայեն կրկին պայքարում է ցեղասպանության ժխտումը քրեականացնող օրինագծի ընդունման համար

Ֆրանսիայի Ժողովրդական շարժման միության պատգամավոր Վալերի Բուայեն և նրան աջակցող 23 պատգամավոր կրկին պայքարելու են ֆրանսիական խորհրդարանի օրակարգում ցեղասպանության ժխտման քրեականացման օրինագիծը ընգրկելու համար: Բուայեն նորացված օրինագիծը օրերս արդեն ներկայացրել է խորհրդարան: Հայտնի է նաև, որ պատգամավորը Հայոց ցեղասպանության 100-ամյակին ընդառաջ իր բլոգում կոչ է արել հնարավորինս տեղեկություն տարածել օրինագծի բովանդակության մասին:
Նշենք, որ մեծ թվով հայազգի բնակչություն ունեցող ֆրանսիական Մարսել քաղաքից պատգամավոր ընտրված Վալերի Բուայեն ցեղասպանության ժխտումը քրեականացնող օրինագիծը Սենատի քննարկմանը ներկայացրեց 2011-2012 թթ., սակայն սահմանադրական խորհուրդը մերժեց այն: Օրինագիծը նախատեսում է ցեղասպանության ժխտման համար սահմանել 45 հազար եվրոյի չափով տուգանք և 5 տարվա ազատազրկում:
http://ankakh.com/article/6297/%E2%80%8Bvalyeri-bvoyyere-krkin-payqarum-e-tsyeghaspanuthyan-jkhtume-qryeakanatsnvogh-orinagtsi-endunman-hamar