Թուրքիայի մայր ընդդիմությունը` Ժողովրդահանրապետական կուսակցությունը (ԺՀԿ-CHP), ծրագրել է 2015-ի ապրիլին Ստամբուլում անցկացնել 1915-ին (Հայոց ցեղասպանությանը-Ակունքի խմբ.) նվիրված համաժողով, որին հրավիրված են լինելու հայտնի պատմաբաններ` աշխարհի տարբեր երկրներից:
Նախատեսվում է 5 ամսում 3 միջազգային կոնֆերանս անցկացնել: Բացի պատմաբաններից` մասնակցելու են նաև մի շարք ականավոր քաղաքական ու պետական գործիչների թոռներ, ինչպես օրինակ` Չերչիլի թոռ Սիլյա Սենդիեսը, Էնվեր փաշայի թոռ Օսման Մայաթեփեքը, Քյազիմ Կարաբեքիրի թոռ Ֆիլիզ Հանըմը և այլք:
Այս նախագծի մասին կառավարամետ «Սի էն էն թուրք» լրատվամիջոցին հայտնել է, Իզմիրից ընտրված ԺՀԿ-ական պատգամավոր Մուստաֆա Բալբայը: Վերջինս ի տիրապետած տվյալներից ելնելով նշել է, թե աշխարհում 1915-ի վերաբերյալ հայկական տեսակետը պաշտպանող գրքերի թիվը չի անցնում 40 հազարից, մինչդեռ թուրքական տեսակետը պաշտպանվում է իբր ավելի քան 60 հազար գրքերով:
Ընդդիմադիր պատգամավորը կոչ է արել հայերին գալ և մասնակցել ապրիլյան համաժողովին: Լսել, թե ինչ են պատմաբանները խոսում 1915-ի վերաբերյալ: Բալբայը նաև նշել է, որ իրենք ՀՀ նախագահ Սերժ Սարգսյանին էլ են հրավիրելու մասնակցել ապրիլյան համաժողովին:
http://ermenihaber.am/?lang_id=2&news_=3&cur_news=2128
Leave a Reply