Թուրքիայի Բալու գավառի 8-դարյա հայկական եկեղեցին նախատեսվում է վերականգնել

Թուրքիայի Էլազըղ (Խարբերդ-Ակունքի խմբ.) նահանգի Բալու գավառում գտնվող ավելի քան 800 տարվա կիսավեր հայկական եկեղեցին նախատեսվում է վերականգնել: Թուրքական «Մեդյալոժի» կայքի թղթակցի հետ զրույցում Բալուի համայնքապետ Սաիդ Դաղօղլուն հայտնել է, որ եթե ամեն ինչ բարեհաջող ընթանա, ապա 2015-ի վերջին կամ 2016-ի սկզբին կսկսվեն եկեղեցու վերանորոգման աշխատանքները: Նա նաև նշել է, որ կապ են պահպանում հայկական համայնքի հետ` այդ ծրագիրն իրականացնելու համար:
Հայկական եկեղեցին 1970-ականներին թիրախ է դարձել գանձ որոնողների համար և էապես վնասվել վերջիններիս ավերիչ գործողություններից: Դաղօղլուն ափսոսանք է հայտնել, որ տեղի բնակիչները տեր չեն կանգնել հայկական պատմական այդ եկեղեցուն: Նա հույս է հայտնել, որ եկեղեցին կվերականգնվի, և հայերին դարձյալ կտեսնեն Բալուում:
http://ermenihaber.am/?lang_id=2&news_=7&cur_news=1887