Լույս է տեսել «Թուրքիայի Հանրապետության պատմություն» բուհական դասագիրքը

Թուրքագետ, ԵՊՀ Արևելագիտության ֆակուլտետի փոխդեկան Ռուբեն Մելքոնյանը տեղեկացնում է, որ հոկտեմբերի 26-ին տպագրվել է «Թուրքիայի Հանրապետության պատմություն» բուհական դասագիրքը, որը հեղինակել են մի շարք թուրքագետներ ՀՀ ԳԱԱ Արևելագիտության ինստիտուտի տնօրեն Ռուբեն Սաֆրաստյանի գլխավորությամբ:
Սա առաջին հայկական դասագիրքն է հանրապետական Թուրքիայի պատմության վերաբերյալ, որի կարիքը կար վաղուց, և որն ունի շատ կարևոր գիտական, ուսումնական և քաղաքական նշանակություն:
Այսպիսով, հայաստանյան բուհերում սովորող ուսանողներն այլևս ստիպված չեն լինելու Թուրքիայի նորագույն շրջանի պատմությունն ուսանել խորհրդային հնացած և շատ հաճախ մեր ազգային խնդիրներին հակասող ռուսալեզու դասագրքերով:
Առաջիկայում նախատեսված է գրքի շնորհանդեսը:
Աղբյուր` Թուրքագիտական պորտալ
AllTurkey.am