Դավութօղլուն նշել է, որ Մահչուփյանի հայ լինելը կապ չունի նոր պաշտոնում նշանակվելու հետ

Թուրքիայի վարչապետ Ահմեթ Դավութօղլուն անդրադարձել է իր գլխավոր խորհրդականի պաշտոնում պոլսահայ գրող, հրապարակախոս, «Աքշամ» թերթի սյունակագիր Էթյեն Մահչուփյանի նշանակման փաստին: Դավութօղլուն շեշտել է, որ Մահչուփյանին նման պաշտոնի նշանակելը ամենևին կապ չունի նրա հայկական ինքնության, հայ լինելու հետ:
«Իսկապես մտավորական մարդ է` օժտված իսկական խղճով»,- ըստ թուրքական «Հաբերազիմ» լրատվակայքի` ասել է Դավութօղլուն` հավելելով, որ նմանատիպ քայլերը պետք է դիտել երկրի «վերանորոգման գործընթացի» համատեքստում:
Հիշեցնենք, որ Թուրքիայի վարչապետի գլխավոր խորհրդականի պաշտոնում նշանակված Էթյեն Մահչուփյանը ծնվել է 1950 թվականին Ստամբուլում: Նա առաջին ոչ քրիստոնյան է, ում վստահվել է նման բարձր պաշտոն: Բարձրագույն կրթությունը ստացել է Ստամբուլի Բողազիչի համալսարանի քիմիայի ֆակլուտետում: Այնուհետև Անկարայի համալսարանում մասնագիտացել է միջազգային տնտեսագիտության ոլորտում և 1977-1980թթ. դասավանդել նույն համալսարանում:
http://ermenihaber.am/?lang_id=2&news_=3&cur_news=2109