Թուրքիան պետք է ընդունի իր մեղքը Հայոց ցեղասպանության մեջ. HDK

Թուրքիայի քրդերի նախաձեռնությամբ ստեղծված Ժողովուրդների դեմոկրատական կոնգրեսը (HDK) շրջաբերական է տարածել, որում նշվել է, որ Թուրքիայի նախագահ Ռեջեփ Թայիփ Էրդողանի հայտարարությունները խաղաղությանը լրջորեն սպառնացող վտանգներ են:
Թուրքական Cumhuriyet պարբերականի փոխանցմամբ՝ HDK-ի նախաձեռնած Խաղաղության եւ դեմոկրատիա կոնֆերանսի վերջում հրապարակված վերջնական շրջաբերականում անդրադարձ է կատարվել քրդական հարցի կարգավորման մեջ Աբդուլլահ Օջալանի դերակատարությանը, Սիրիայում քրդերի հանդեպ Թուրքիայի վարած քաղաքականությանը, նախագահ Ռեջեփ Թայիփ Էրդողանի արած հայտարարություններին եւ Օսմանյան կայսրությունում իրականացված հայերի եւ ասորիների ցեղասպանությանը:
«Էրդողանի հայտարարությունները խաղաղությանը լրջորեն սպառնացող վտանգներ են: Պետք է վերջ դրվի ալեւիների նկատմամբ ճնշումներին եւ նրանց ձուլման քաղաքականությանը: 1915 թվականին իրականացված հայերի եւ ասորիների ցեղասպանության մեջ պետք է ընդունվի պետության մեղքը»,-նշվել է շրջաբերականում:
http://news.am/arm/news/235210.html