400 տարի առաջ Վանի հայերի կառուցած պալատը տուրիզմի զարգացման խթան է դիտվում

Վանի նահանգի Գյուրփընար շրջանի Ըշըքփընար թաղամասում պահպանված հին հայկական քարակերտ պալատը շարժել է թուրքերի հետաքրքրությունը` այդ վայրերում զբոսաշրջության զարգացմանը խթանելու տեսանկյունից: Թուրքական «YYU» համալսարանի դոկտոր Մեհմեթ Թոփը հետազոտություններ է անցկացնում 400 տարի առաջ հայերի կառուցած վերոնշյալ շինությունում:
Ինչպես հայտնում է «Հաբեր Վան» լրատվակայքը, բնակիչները պալատ են անվանում այդ շինությունը: Ուսումնասիրություն իրականացնող Մեհմեթ Թոփը ափսոսանքով նշում է, որ մինչև օրս Թուրքիայի մշակույթի և զբոսաշրջության նախարարությունը և գիտական շրջանակներն ուշադրության չեն արժանացրել հայկական այդ 4 դարյա շինությունը:
Նա նաև տեղեկացրել է, որ պալատի ներսը վերածվել է աղբանոցի, որն անհապաղ պետք է մաքրել: Այժմ իրենք դեռ իրականացնում են միայն հողաչափական աշխատանքներ: Թուրք մասնագետը հույս է հայտնել, որ գոնե սրանից հետո Մշակույթի նախարարությունը անհրաժեշտ ուշադրություն կդարձնի պատմական նշանակության այդ շինությանը:
http://www.ermenihaber.am/?lang_id=2&menyu_id=9&news_=5&cur_news=603