Թուրքիայում կոռուպցիոն սկանդալի գործը կարճվել է

Թուրքիայի դատախազությունը որոշել է դադարեցնել իշխանության վերին էշելոններում կոռուպցիայի գործի հետաքննությունը, որն ավելի վաղ հանգեցրել էր երեք նախարարների հրաժարականի:
Գործով անցնում էր 53 մարդ, բայց քննությանը չի հաջողվել կոռուպցիոն սխեմաներում նրանց մասնակցության համոզիչ ապացույցներ գտնել:
Սկանդալային գործի մասին հայտնի էր դարձել գարնանը, երբ երկու նախարարների որդիներին կաշառակերության մեջ էին մեղադրել, փոխանցում է BBC-ի ռուսական ծառայությունը:
Թուրքիայի գործող նախագահ Ռեջեփ Թայիփ Էրդողանն այն ժամանակ ասել էր, որ կոռուպցիայի գործը սարքված է համարում, որի նպատակն է իրեն իշխանությունից հեռացնելը:
Էրդողանն անձամբ է կարգադրել հետաքննությունից հեռու պահել իրեն ոչ ձեռնտու դատախազներին, նաեւ փորձել է Թուրքիայում արգելափակել սոցցանցերն ու համացանցային ռեսուրսները, որոնց միջոցով տարածվում էին կառավարությանը կոմպրոմատներ ներկայացնող նյութերը:
http://news.am/arm/news/234743.html