Թուրքական մամուլ. Սպիտակ տունը, ցուցադրության հանելով հայկական գորգը, ուղերձ է հղում Թուրքիային

Սպիտակ տունը հայտարարել է, որ պատրաստվում է նոյեմբերի 18-23-ը հայ որբերի գործած գորգը ցուցադրել նախագահական նստավայրի այցելուների սրահում: Լուրը մեծ արձագանք է ստացել թուրքական մամուլում: Սպիտակ տան այդօրինակ քայլը մեկնաբանվել է որպես Թուրքիային հասցեագրված ուղերձ:
Մասնավորապես թուրքական «Elazigdanhaber» լրատվական կայքը նշում է, որ հայկական գորգի ցուցադրումը կարելի է դիտարկել Անկարայի և Վաշինգտոնի միջև Ինջիրլիք ռազմաբազայի շուրջ բանակցությունների համատեքստում: ԱՄՆ-ը ցանկանում է ռազմաբազան օգտագործել «Իսլամական պետություն» ահաբեկչական կազմակերպությանը հարվածելու համար: Որպես այս տեսակետի հիմնավորում, նշվում է, որ հայ որբերի գորգը Հայոց ցեղասպանության խորհրդանիշ է դարձել, և դրա ցուցադրմանը բազմիցս խոչընդոտել է հենց Սպիտակ տունը՝ հրաժարվելով այն հանել իր պահեստից:

http://ermenihaber.am/?lang_id=2&news_=8&cur_news=849