«Ակօս»-ի ադրբեջանցի թղթակցին սպառնացել են սպանել և թաղել Հրանտ Դինքի կողքին

«Ակօս» թերթի ադրբեջանցի թղթակից Արզու Գեյբուլաևան թե՛ Ադրբեջանում, թե՛ Թուրքիայում ատելության թիրախում է հայտնվել և շարունակում է սպառնալից հաղորդագրություններ ստանալ, տեղեկացնում է «Ակօս»-ը:
Արզու Գեյբուլաևան հայկական պարբերականին թղթակցելու համար սկսել էր քարկոծվել ադրբեջանական մամուլի կողմից:
Լրագրողական միջազգային կազմակերպությունների կողմից աջակցություն ստացած Գեյբուլաևային ուղղված սպառնալիքները, սակայն, շարունակվում են:
Գեյբուլաևան այժմ էլ Թուրքիայից մահվան սպառնալիք է ստացել: Երեկ Facebook սոցիալական ցանցի իր էջում կիսվել է Twitter-ի միջոցով իր ստացած հերթական սպառնալիքի մասին տեղեկությամբ:
«Շուն Հրանտի (նշանավոր պոլսահայ լրագրող Հրանտ Դինք, ով սպանվել է 2007-ին-Tert.am) կողքին գերեզմանդ պատրաստիր: Քիչ է մնացել, սատկելու ես, վերջին օրերդ վայելիր, հայ շուն»,-գրել են լրագրողին:
Գեյբուլաևան մտադիր է այս անգամ հարցը լուծել իրավական կարգով:
http://www.tert.am/am/news/2014/10/16/agos-arzu/