Ֆրանսական վարժարանի աշակերտը պատժուած է Հայոց Ցեղասպանութիւնը ժխտելու համար

Ֆրանսայի Ռուպէ քաղաքի մէջ գտնուող վարժարաններէն մէկուն մէջ կրթութիւն ստացող Իպրահիմ Քութլու անունով թուրք աշակերտը դասագիրքի մէջ ընդգրկուած Հայոց ցեղասպանութեան նիւթը անցնելու ժամանակ, յայտարարելով, որ չ’ընդունիր Ցեղասպանութեան փաստը, վէճի բռնուած է աշակերտներէն մէկուն հետ: Այս մասին կը յայտնէ Ermenihaber.am կայքը:

Քութլուն հրապարակաւ յայտարարած է, որ ցեղասպանութիւն չէ եղած եւ դասագիրքի մէջ ընգրկուած նիւթը սուտ է: Այդ պահուն աշակերտներէն մէկը ի պատասխան ըսած է.«ցեղասպանութեան ժամանակ դուն դեռ աշխարհ չէիր եկած, ինչպէ՞ս կրնաս պնդել, որ նման բան չէ եղած”:

Թրքական “հապերվիթրինի” լրատուական կայքի հաղորդմամբ` թուրք աշակերտը վէճի բռնուած է դասընկերոջ հետ, որուն հետեւանքով վարժարանի ղեկավարութիւնը որոշած է ժամանակաւորապէս հեռացնել Քութլուին:

Վարժարանի ղեկավարութիւնը նամակ ուղարկած է թուրք աշակերտի ընտանիքին, ուր կը նշուի, որ աւարտական դասարանի թուրք աշակերտը 2 անգամ զգուշացում ստացած է պատմաաշխարհագրութեան դասին յարձակողական պահուածքի համար: Նամակի մէջ կ’ըսուի, որ իրենց վարժարանի մէջ ազգայնականութիւնն ու քաղաքականութիւնը տեղ չունին:

Վարժարանի ղեկավարութիւնը զգուշացուցած է նաեւ, որ նման արարքի կրկնուլու պարագային թուրք աշակերտի այնտեղ մնալ-չմնալու հարցը արդէն կ’որոշէ կարգապահական կոմիտէն:
http://www.yerakouyn.com/?p=64474