Թուրքիայի արտգործնախարարն ԱՄՆ-ում անդրադարձել է Հայոց ցեղասպանությանը

Թուրքիայի արտգործնախարար Մևլութ Չավուշօղլուն Նյու Յորքում հանդիպել է ԱՄՆ-ում և Կանադայում Թուրքիայի դեսպաններին և ԱՄՆ-ում աշխատող հյուպատոսներին, տեղեկացնում է թուրքական Հաբերլեր լրատվակայքը:
Չավուշօղլուն հանդիպմանը, խոսելով տարբեր թեմաներից, անդրադարձել է նաև Հայոց ցեղասպանության հարյուրամյակին ընդառաջ հայկական կողմի գործողություններին:
Նա նշել է, որ 2015թ. Թուրքիայի համար շատ կարևոր է, և անհրաժեշտ է, որ Թուրքիայի համար դա չլինի հակամարտության և քարոզչական պատերազմի տարի: Արտգործնախարարը կոչ է արել նաև ԱՄՆ-ում բնակվող իր հայրենակիցներին` աջակցություն ցույց տալ Հայոց ցեղասպանության 100-րդ տարելիցին ընդառաջ սկսված «Թուրքիայի դեմ քարոզչական արշավին»:
Չավուշօղլուն նշել է, թե Հայաստանի Հանրապետության ու Սփյուռքի ջանքերով Թուրքիայի պատմությունը «բառացիորեն սատանայական է ներկայացվում»:
Նշենք, որ Չավուշօղլուն այս տարվա օգոստոսին Թուրքիայի արտգործնախարարի պաշտոնում փոխարինել է այժմ վարչապետի պաշտոնը զբաղեցնող Ահմեթ Դավութօղլուին: Հայտնի է իր ադրբեջանամետ գործողություններով ու հակահայ քաղաքականությամբ:
Արթուր Դոլբակյան
AllTurkey.am