Ադրբեջանը սպառնում է հայկական թերթում աշխատող լրագրողուհուն. լրագրողական շրջանակներն իրենց վրդովմունքն են հայտնել

PEN International միջազգային հասարակական կազմակերպությունը, որը միավորում է գրողներին ու լրագրողներին, հայտարարություն է տարածել ադրբեջանցի լրագրողուհի Արզու Գեյբուլաևային սպառնալիքների թիրախ դարձնելու առնչությամբ:
Հայտարարության մեջ կազմակերպությունը նշում է, որ Գեյբուլաևան ահաբեկվում է Ստամբուլի «Ակօս» հայկական թերթում աշխատելու համար:
Նշվում է, որ Արզուն թիրախ է դարձել այն բանից հետո, երբ հարցազրույց է տվել ադրբեջանական կայքերից մեկին: Դրանից հետո ադրբեջանական մամուլում և սոցցանցերում հալածանքներ են սկսվել նրա դեմ, հայերի հետ աշխատելու համար նա մեղադրվում է դավաճանության համար: Լրագրողական գործունեությունից բացի նա նաև հայերի և ադրբեջանցիների երկխոսությանը նպաստող կազմակերպություններում է հանդես եկել:
Այս ամենը հաշվի առնելով՝ PEN International-ը դիմում է Ադրբեջանի և Թուրքիայի ներքին գործերի նախարարներին՝ կոչ անելով հետաքննել լրագրողի դեմ սպառնալիքները և ապահովել նրա անվտանգությունը:
http://www.tert.am/am/news/2014/10/10/arzu-pen/