Ըստ Էրդողանի՝ հային ու ասորիին կոտորելն ու թալանելը «հալալ» է. Fırat

Սիրիայում «Իսլամական պետություն» ահաբեկչական խմբավորման հետ կապված Թուրքիայի նախագահ Ռեջեփ Թայիփ Էրդողանի՝ Այնթափ քաղաքում արած հայտարարության վերաբերյալ քննադատական հրապարակում է գրել Fırat լրատվական գործակալության թղթակից Ֆերդա Չեթինը։
Fırat-ի թղթակիցը նախ ուշադրության է հրավիրել Թուրքիայի նախագահի հետեւյալ արտահայտությանը, թե Քոբանին արդեն ընկել է։ «Ոչ թե Քոբանին է ընկել կամ ընկնելու է, այլ Էրդողանն է ընկելու եւ իսլամիստ-ավազակները»,-գրել է Fırat-ի թղթակիցը։
Ֆերդա Չեթինն անդրադարձել է նաեւ Էրդողանի այն հայտարարությանը, թե մուսուլմանի համար «հարամ» է խլել այլ մուսուլմանի ապրանքը, կյանքը ու պատիվը։ «Էրդողանը չի ասում, թե որ կրոնին էլ պատկանի, մարդ սպանելը, նրանց գույքը թալանելը «հարամ» է, այլ ասում է, թե մուսուլմանը մուսուլմանին չպետք է անի։ Այսինքն, ըստ Էրդողանի՝ հայերին, ասորիներին սպանելը, նրանց գույքը թալանելը «հալալ» է»,-գրել է Fırat-ի թղթակիցը։
http://news.am/arm/news/233118.html