Թուրքական բանակը կպաշտպանի Սուլեյման Շահի գերեզմանը Սիրիայում. Էրդողան

Թուրքիայի նախագահ Ռեջեփ Թայիփ Էրդողանը հայտարարել է, որ թուրքական բանակը անհրաժեշտության դեպքում կպաշտպանի Օսմանյան կայսրության հիմնադիրների նախահոր Սուլեյման Շահի գերեզմանը, որը գտնվում է Սիրիայի տարածքում:
«Ցանկանում եմ հաստատել, որ դուք մենակ չեք: Եթե անհրաժեշտ լինի, թուրքական զինված ուժերը անհապաղ և առանց վարանելու կլինեն ձեր կողքին», -РИА Новости-ի հաղորդմամբ` ասել է Էրդողանը իր տեսաուղերձում` ուղղված Կուրբան-բայրամ տոնի առթիվ գերեզմանը հսկող պատվո պահակախմբին:
Էրդողանը հիշեցրել է, որ գերեզմանի տարածքը միակ թուրքական անկլավն է արտերկրում:
http://www.tert.am/am/news/2014/10/03/turkish-troops/