Թուրքիայի արևմտյան Մանիսա նահանգի Քըրքաղաչ ավանում, տեղական ինքնակառավարման մարմինների կողմից սկսված վերականգնման աշխատանքների շրջանակներում, հունական և հայկական պատմական տները ևս կվերականգնվեն, տեղեկացնում է թուրքական 45հaber.com լրատվակայքը:
Աշխատանքները կատարվում են Մանիսայի քաղաքապետարանի նախաձեռնությամբ: Աղբյուրի համաձայն՝ Մանիսայի քաղաքապետի օգնական, ճարտարապետ Ազմի Աչըքդիլը այցելել է շինհրապարակ և ծանոթացել կատարվող աշխատանքներին:
Նա նշել է, որ այսուհետ ավելի հաճախ կայցելի Քըրքաղաչ, քանի որ «այստեղ պատմական հուշարձանների և տների պահպանության կարիքը առավել կա, և իրենք ջանք չեն խնայի դրանք հետագա սերունդներին հասցնելու համար»:
Թուրքական կողմը տները վերանորոգում է` շրջանում զբոսաշրջությունը զարգացնելու նպատակով։
Արթուր Դոլբակյան
AllTurkey.am
Թուրքիայի Մանիսա նահանգում որոշել են վերանորոգել հին հայկական տները
•
Leave a Reply