ԱՄՆ Գոլորատօ նահանգին մէջ Հայոց Ցեղասպանութեան յիշատակը յաւէրժացնող խաչքար պիտի կանգնեցուի

Ամերիկայի Միացեալ նահանգներու Գոլորատօ նահանգի Տենվըր քաղաքին մէջ պիտի տեղադրուի Հայոց Ցեղասպանութեան զոհերու յիշատակին նուիրուած խաչքար: Այս մասին, ըստ Armenpress.am-ի, տեղեկացուցած է Հայաստանի երիտասարդական հիմնադրամի գործադիր տնօրէն Ալեքսանդր Տէր-Հովակիմեանը:
«Խաչքարը կագնեցնելու գաղափարը ծնուել է դեռ 2012 թուականին, երբ գործնական այցելութիւն ունեցա միացեալ Նահանգներ ու Գոլորատօ նահանգի մեր համայնքի ներկայացուցիչների հետ զրուցելիս տեղեկացայ, որ նման ցանկութիւն ունեն»,-ըսած է Ալեքսանդր Տէր-Հովակիմեանը:
Անոր խօսքով` համայնքին կողմէ խաչքար տեղադրելու առաջարկը ինքը մեծ ուրախութեամբ ընդունած է ու յանձն առած զայն Հայաստանի մէջ պատրաստելու աշխատանքներով զբաղիլը: «Որոշակի աշխատանքների բաժանում կատարեցինք, ես ինձ վրա վերցրեցի խաչքարի պատրաստման հարցերով զբաղուելը, ցանկութիւն կար, որ այն Հայաստանում պատրաստուէր եւ ուղարկուէր Տենվըր»,- յայտնած է ան` աւելցնելով, որ խաչքարի պաշտօնական բացումը պիտի ըլլայ 2015 թուականի Ապրիլ 24-ին:
«Այս գործընթացը, իմ կարծիքով, պէտք չէ ուղղակիօրէն կապել Հայոց Ցեղասպանութեան 100-րդ տարելիցի հետ, որովհետեւ ես չեմ ուզում, որ մենք ամբողջը սեւեռենք 100 թուի վրայ ու, երբ այն անցնի, մոռանանք, որ ինչ-որ անելիքներ ունենք: մեր յիշողութեան մէջ պէտք է վառ պահենք ոճրագործութեան զոհերի յիշատակը»,- աւելացուցած է ան:
Ալեքսանդր Տէր-Հովակիմեանը յատկանշական կը համարէ, որ Գոլորատոյի նահանգային իշխանութիւնը առաջիներէն է Միացեալ նահանգներու մէջ, որ ընդունած է հռչակագիր` Ապրիլ 24-ը յայտարարելով Հայոց նահատակներու օր (Գոլորատոյի նահանգապետը նման առաջին հռչակագիրը ընդունած է 1981թ. Ապրիլ 23-ին):
Գոլորատօ ուղարկուող խաչքարը արդէն պատրաստ է, անիկա Հին Ջուղայի աւերուած խաչքարերէն մէկուն կրկնօրինակն է: Այսպիսի կրկնօրինակներ կան աշխարհի տարբեր վայրերու մէջ:
http://www.yerakouyn.com/?p=63785