«ԻՊ»-ի ահաբեկիչները պաշարել են Թուրքիայի տարածք համարվող Շահ Սուլեյմանի դամբարանի վայրը

Սիրիայի տարածքում գտնվող, բայց Թուրքիայի Հանրապետությանը պատկանող Շահ Սուլեյմանի դամբարանի վայրը պաշարվել է «Իսլամական պետություն» ահաբեկչական խմբավորման գրոհայինների կողմից: Սովորաբար այդ դամբարանի պաշտպանությունն իրականցնում է թուրքական բանակի 36 զինվորից կազմված պահակազորը: Թուրքական «Յենի Շաֆաք» թերթին հաջողվել է տեղի արաբական ցեղերից տեղեկություն ստանալ այն մասին, որ դամբարանի տարածքը պաշարած իսլամիստ ահաբեկիչներն ավելի քան 1000 հոգի են:
Թուրքիայի վարչապետ Ահմեթ Դավութօղլուն հայտարարել է, որ «ԻՊ-ն ամենաշատը Թուրքիայի համար է սպառնալիք: Նա ընդգծել է, որ Անկարան հստակորեն դեմ է «ԻՊ»-ի և առհասարակ նմանատիպ ահաբեկչական խմբավորումների գործունեությանը: Միևնույն ժամանակ Դավութօղլուն նպատակահարմար չի համարել Սիրիայի իշխանությունների հետ համագործակցությունը «ԻՊ»-ի դեմ պայքարում, քանի որ ըստ նրա` դա ավելի կուժեղացնի «ԻՊ»-ի դիրքերը. սուննի մահմեդականներն իրենց օտարված կզգան ու կհամալրեն «ԻՊ»-ականների շարքերը:
http://ermenihaber.am/?lang_id=2&news_=7&cur_news=1827