«Այսպես կոչված Հայոց ցեղասպանություն չի եղել, դա հորինվածք է». Ջեմիլ Չիչեք

Թուրքիայի խորհրդարանի խոսնակ Ջեմիլ Չիչեքը հայտարարել է, որ Թուրքիան արել է հնարավոր ամեն բան 1915 թվականի դեպքերը քննելու համար:
Այս մասին հաղորդում է «Անադոլու» գործակալությունը: Չիչեքի խոսքերով` «Անկարան իր արխիվները բացել է համաշխարհային հանրության առաջ 1915 թվականի դեպքերը քննելու համար»: Նա նշել է, որ մի շարք երկրների խարհրդարանները «1915 թվականի դեպքերը ընդունում են որպես ցեղասպանություն»: «Խորհրդարանները չպետք է զբաղվեն պատմական իրադարձությունների քննությամբ, նրանց խնդիրը երկրների միջև հարաբերությունների զարգացմանը նպաստելն է»,-ասել է Չիչեքը` կրկնելով, որ Անկարան պատրաստ է պատմաբանների համատեղ հանձնաժողով կազմավորել: «Այսպես կոչված Հայոց ցեղասպանություն չի եղել, դա հորինվածք է և ամենամեծ զրպարտանքը պատմության մեջ»,-ասել է Չիչեքը:

http://ankakh.com/article/3556/«ayspyes-kvochvats-hayvots-tsyeghaspanuthyun-chi-yeghyel–da-hvorinvatsq-e»–djyemil-chichyeq