Նոր գիրք «Արաս»-ից՝ Համշէնեան Պատմուածներ

«Արաս» հրատարակչությունը համշենահայերենի և մշակույթի վերաբերյալ իր աշխատություններով հայտնի Մահիր Օզքանի առաջին պամվածքների գիրքը՝ «Համշէնեան Պատմուածներ» վերնագրով, ներկայացնում է ընթերցողների ուշադրությանը: Գիրքը հանդիսանում է ցայսօր հրատարակված առաջին համշեներեն գրական աշխատությունը:
«Համշէնեան Պատմուածներ» աշխատությունը ներառում է Համշենի շրջակայքի պատմություններից և գրողի հուշերից կազմված 24 պատմվածք:
Երկու մասից բաղկացած գրքի առաջին հատվածում գրողը համշեներեն և թուրքերեն պատմվածքներն էջերին է հանձնում զուգահեռաբար: Գիրքը հնարավորություն է ընձեռում կարդալ համեմատության մեջ և այս ձևով դիմում է նրանց, ովքեր ցանկանում են ծանոթանալ համշեներենի հետ և զարգացնել համշեներենի իրենց իմացությունը:
Գրքի երկրորդ մասը բաղկացած է նույն պատմվածքների արևմտահայերեն թարգմանությունից: Այս բաժինը, որը մեր հրատարակչությունը ներկայացնում է հայերեն ընթերցողների դատին, համշեներենի և արևմտահայերենի միջև առկա տարբերությունները բացատրելու համար տեղ-տեղ փակագծերում ներկայացնում է բացատրություններով հարստացված:
«Համշէնեան Պատմուածներ»ը հանդիսանում է դարեր շարունակ Արևելյան Սև ծովի Համշենի գյուղերում և բնակավայրերում բանավոր կերպով փոխանցված համշենահայերեն առաջին գրական աշխատությունը:
Այս առումով գյուղից քաղաք գաղթի և ժամանակակից կյանքի՝ շրջանի վրա ունեցած ազդեցությամբ օրեցօր ավելի քիչ խոսվող այս լեզվի պահպանման համար գիրքը մի նոր ուղի՝ գրավոր գրականություն կերտելու ճանապարհ է առաջարկում:
Մյուս կողմից, 1915 Անատոլիայի (Արևմտյան Հայաստան-Ակունքի խմբ.) հայ բնակչության բնաջնջման արդյունքում ոչնչացած տասնյակ տարբեր հայերեն բարբառների ճակատագրին չարժանանալով պահպանվել հաջողված համշենահայերեն գիրքը (լատինատառ և հայերեն) հրատարակված առաջին գրական աշխատությունն է:

Հրատարակության պատրաստեց ԱրտաշեսՄարկոսյանը:
Կազմեց Վազգեն Դեղիրմենթաշը
Կազմի ձևավորումը՝ Արեթ Գըջըրի
Թուրքերեն-համշեներեն (լատինատառ և հայատառ)
Պատմվածք, 336 էջ, 13×19.5 սմ
ISBN 978-605-5753-44-3, սեպտեմբեր 2014, 20 լիրա

http://www.arasyayincilik.com/tr/kitaplar/hemsin-oykuleri/154
Թարգմանեց Անահիտ Քարտաշյանը
Akunq.net