Ջիզրեում քրդերը բենզին են լցրել Աթաթուրքի արձանի վրա ու վառել

Թուրքիայի Շըրնաք Նահանգի Ջիզրե շրջանում Քուրդիստանի բանվորական կուսակցության (ՔԲԿ-PKK) նահատակված զինյալների հուղարկավորության ժամանակ ակտիվիստների մի խումբ բենզին է լցրել Աթաթուրքի արձանի վրա ու հրդեհել: Այնուհետև երթով Դիարբեքիրի արդարադատության շենք ուղևորվող ցուցարարների հետ բախման մեջ են մտել ոստիկանական ուժերը:
Թուրքական «Հաբերլեր» լրատվական կայքի բնորոշմամբ` ցուցարարների ու ոստիկանների բախման վայրը մարտադաշտի է վերածվել: Շուրջ 10.000 հազար ցուցարարներ մասնակցել են վերոնշյալ գործողություններին: Նշվում է, որ նրանք փորձել են հարձակում գործել նաև իշխող Արդարություն և զարգացում կուսակցության (ԱԶԿ-AKP) գրասենյակի վրա:
Իրավապահները, համալրելով իրենց ուժերը, ցրել են ցուցարարներին և փորձել վերականգնել հասարակական կարգը: Զոհեր և վիրավորները, ըստ նախնական տեղեկությունների, չկան:
http://ermenihaber.am/?lang_id=2&news_=7&cur_news=1818