Թուրքիայի նախագահ Ռեջեփ Թայիփ Էրդողանը հանդիպելու է Հայ առաքելական եկեղեցու արևելյան թեմի առաջնորդ` Գերաշնորհ Տեր Խաժակ Արքեպիսկոպոս Պարսամյանի հետ, տեղեկացնում է թուրքական «Հաբերլեր» լրատվակայքը:
Աղբյուրի համաձայն՝ նախագահ Էրդողանն այս մասին հայտնել է Էսենբողա օդանավակայանում կայացած մամուլի ասուլիսի ժամանակ, որտեղից նա պետք է ուղևորվի Նյու Յորք՝ մասնակցելու սեպտեմբերի 23-ին ՄԱԿ-ի գլխավոր ասամբելայի 69-րդ նիստին: Նա նշել է, որ սեպտեմբերի 24-ին ծրագրվում է հանդիպել ԱՄՆ մուսուլման բնակչության ներկայացուցիչների և համաշխարհային հրեական կոնգրեսի պատվիրակության հետ:
Նախագահ Էրդողանը խոսել է նաև ԻՊ-ի կողմից պահվող Թուրքիայի քաղաքացիների ազատմանը: Նա նշել է, որ նրանց ազատագրելը ազգային հետախուզության շարունակական աշխատանքների արդյունք է:
Նշենք, որ ԱՄՆ առաջիկա այցը Էրդողանի համար որպես նախագահ առաջինն է լինելու:
Արթուր Դոլբակյան
AllTurkey.am
Leave a Reply