Պաշտոնապես հրապարակվել է Թուրքիայի եվրաինտեգրման ռազմավարության փաստաթուղթը

Թուրքիայի Եվրամիության (ԵՄ) հարցերով նախարար Վոլքան Բոզքըրը հրապարակել է Անկարայի եվրաինտեգրման ռազմավարության պաշտոնական փաստաթուղթը, որտեղ, ըստ «Հյուրիյեթ» լրատվականի, այդ ռազմավարությունը 4 բառով բնորոշվում է հետևյալ կերպ. «ուժեղ Թուրքիա, ուժեղ ԵՄ»:
Եվրոպական միությանն անդամակցելու գործընթացում Թուրքիայի հետամտած գլխավոր նպատակները` ըստ առաջնահերթության.
• Ժողովրդավարության և մարդու իրավունքների զարգացում:
• Ազատ շուկայական տնտեսության ինստիտուցիոնալիզացիա:
• Բոլոր ոլորտներում ժամանակակից կենսակերպի ստանդարտների ներդրում:
Փաստաթղթում նշվում է նաև, որ կա 4 հիմնական խոչընդոտ` ծառացած Թուրքիայի ԵՄ անդամակցության ճանապարհին: Դրանք են.
1. Եվրաանդամակցության գործընթացի կեսդարյա ձգձգումը:
2. Թուրքիայի նկատմամբ կրկնակի ստանդարտների կիրառումը:
3. Թուրքիայի քաղաքացիների համար վիզայի հետ կապված խոչընդոտը:
4. Կիպրական հարցը:
Այդուհանդերձ նշվում է, որ Անկարան չի հրաժարվում Եվրամիությանն անդամակցելու իր նպատակից: Թվարկում է նաև այն շահեկան ձեռքբերումները, որոնք սպասվում են Եվրամիութանը, եթե իր կազմ ընդունի Թուրքիային:
Թուրքիայի անդամակցությունը ԵՄ-ին կարող է վերջինիս համար կարող է օգտակար լինել
• Արտաքին քաղաքականության
• Տնտեսական և առևտրային հարաբերությունների
• Էներգետամատակարարման
• Սահմանային անվտանգության
• Աշխատանքի ապահովման
• Միգրացիոն քաղաքականության հարցերում:
http://ermenihaber.am/?lang_id=2&news_=3&cur_news=2018