Հայաստանի պատճառով ԱՄՆ-ն կրկին կճնշի Թուրքիային

Հայաստանի քաղաքականության նպատակը անկախ ու բարգավաճ Հայաստանն է, որն իր հարեւանների հետ կապրի հաշտ ու համերաշխ: Այդ մասին սեպտեմբերի 17-ին ԱՄՆ-ի Սենատի արտաքին կապերի կոմիտեի լսումների ժամանակ հայտարարել է Հայաստանում ԱՄՆ-ի դեսպանի թեկնածու Ռիչարդ Միլզը:
Նրա խոսքով՝ դրան կարելի է հասնել օրենքի գերակայության ամրապնդման, տնտեսության ազատականացման, ղարաբաղյան հակամարտության կարգավորման միջոցով՝ հաղթահարելով կոռուպցիան եւ հաշտվելով Թուրքիայի հետ: «ԱՄՆ-ի դեսպանի պաշտոնում իմ թեկնածությունը հաստատվելու դեպքում հենց այդ կետերը կլինեն առաջնահերթ», – ընդգծել է Միլզը: «Հայաստանի հետ ուժեղ կապեր ունենալու` ԱՄՆ-ի պարտականություններն անփոփոխ են», – հավելել է նա: Նրա խոսքով՝ 2013թ. սեպտեմբերին Հայաստանը հայտարարել է Եվրասիական տնտեսական միությանը միանալու մասին, ինչն ընդգծում է Հայաստանի տարածաշրջանային մեկուսացման համահարթման եւ նրա տնտեսության ու անվտանգության ամրապնդման անհրաժեշտությունը:
Դեսպանի թեկնածուն ընդգծել է, որ ամենակարեւոր կետերից մեկը Թուրքիայի հետ հարաբերությունների հարթեցումն է: Ընդ որում, նա նշել է, որ ԱՄՆ-ն հաջորդ տարի համերաշխ աջակցություն կցուցաբերի հայ ժողովրդին՝ անցած դարի ողբերգական իրադարձությունների (Հայոց ցեղասպանության-Ակունքի խմբ.) 100-ամյա տարելիցին: «Մենք նախկինի պես ընդգծում ենք առանց նախապայմանների հայ-թուրքական արձանագրությունների կարեւորությունը: Եվ այսօր ակնհայտ է, որ երկկողմ հարաբերությունների կարգավորման գործընթացի առաջխաղացման պատասխանատվությունն ընկած է Թուրքիայի վրա», – նշել է Միլզը:
Միլզը նաեւ անդրադարձել է ղարաբաղյան հակամարտության թեմային: Դիվանագետի խոսքով՝ եթե նրա պաշտոնը հաստատվի, ապա վերջինս անպայմանորեն կհամագործակցի Ուորլիքի հետ (ԵԱՀԿ Միսնկի խբի ամերիկացի համանախագահ) եւ կնպաստի հակամարտության խաղաղ կարգավորման գործին:
http://news.am/arm/news/229465.html