Այսօր Հրանտ Դինքի ծննդյան օրն է

Թուրք ազգայնականների կողմից դավադրաբար սպանված պոլսահայ նշանավոր լրագրող, “Ակօսի” գլխավոր խմբագիր Հրանտ Դինքն այսօր կդառնար 60 տարեկան:
Նշենք, որ Դինքն այն անձանցից էր, ովքեր Թուրքիայում պայքարում են խտրականության, ռասիզմի և բռնության դեմ, իրենց իդեալների համար` վտանգում իրենց կյանքը, խոսում խաղաղության լեզվով` այդպիսով ոգեշնչելով և խրախուսելով ուրիշներին:
Դինքը ծնվել է 1954 թվականի սեպտեմբերի 15-ին Արևմտյան Հայաստանի Մալաթիա գավառում: Ծնողների ամուսնալուծությունից հետո վերջինս հայտնվել է Գետիկփաշա շրջանի հայկական մանկատանը, որտեղ ծանոթացել է ապագա կնոջ` Ռաքելի հետ:
Հիշեցնենք, որ Դինքն սպանվել է 2007 թվականի հունվարի 19-ին, “Ակօս” խմբագրատան առաջ՝ ետևից գլխին արձակված երեք հրազենային կրակոցներից։
http://henaran.am/news_view.php?post_id=47016