«Տե՛ս, նավակդ ճեղք չունենա» ֆիլմի ցուցադրություն և ֆիլմի հեղինակի հետ հանդիպում` Արևմտահայոց հարցերի ուսումնասիրության կենտրոնում

Սույն թվականի սեպտեմբերի 12-ին` ուրբաթ օրը, ժամը 18:30-ին Արևմտահայոց հարցերի ուսումնասիրության կենտրոնում, ՀԵՀ-ի՝ որպես ՀՀ նախագահի կողմից գործընկեր կազմակերպության հայտարարած` «Հայության խնդիրներն ու իրավունքները Թուրքիայի Հանրապետությունում» անվանակարգով դրամաշնորհի շրջանակում, «Հասարակություն եւ մշակույթ» ՀԿ-ն կկազմակերպի «Տե՛ս, նավակդ ճեղք չունենա» ֆիլմի ցուցադրություն և հանդիպում ֆիլմի հեղինակի` պատմական գիտությունների թեկնածու Թեհմինե Մարտոյանի հետ հետ: Ֆիլմը նվիրված է 1922 թ. սեպտեմբերին Զմյուռնիայում (Իզմիր) իրագործված կոտորածների զոհը դարձած հայերի և հույների հիշատակին: Ֆիլմի դիտումից հետո տեղի կունենա քննարկում, և ներկաների հարցերին կպատասխանի ֆիլմի հեղինակը:
Հրավիրում ենք բոլոր ցանկացողներին:
Հասցե` ք. Երևան, Գյուլբենկյան 38, 5-րդ հարկ:
Հեռախոս` (010) 32 04 49
Akunq.net