Թուրքիայի Ռադիոյի և հեռուստատեսության բարձրագույն խորհուրդը «հայ» բառը համարել է տգեղ մեղադրանք

Թուրքիայի ռադիոյի և հեռուստատեսության բարձրագույն խորհուրդն արդարացրել է նախագահ Ռեջեթ Թայիփ Էրդողանի հակահայկական սկանդալային հայտարությունը:

Թուրքական «Gazeteport» լրատվական կայքի տեղեկացմամբ` նախընտրական շրջանում թուրքական հեռուստաալիքներից մեկի եթերից հնչած Էրդողանի այն խոսքերը՝ թե «Ինձ շատ են վիրավորել, ներողություն, ինձ անգամ հայ են անվանել», Թուրքիայի Ռադիոյի և հեռուստատեսության բարձրագույն խորհուրդը քննել է և եկել հետևյալ եզրակացության.

«Եթերում նախագահի թեկնածու Ռեջեփ Թայիփ Էրդողանը, պատասխանելով իրեն ուղղված այն քննադատություններին, թե խտրականություն սերմանող քաղաքականություն է վարում, հիշեցրել է ավելի վաղ իր հասցեին ասված տգեղ մեղադրանքները: Էրդողանի խոսքերը խտրականության սերմանելու կան հայերին ստորացնելու նպատակ չեն ունեցել»:

Այսպիսով, Թուրքիայի Ռադիոյի և հեռուստատեսության բարձրագույն խորհուրդը «հայ» բառը համարել է «տգեղ մեղադրանք»:

http://ermenihaber.am/?lang_id=2&news_=3&cur_news=2004