Թուրքիայում գործունեություն ծավալող այսպես կոչված «Հայերի անհիմն պնդումների դեմ պայքարի միությունը» խնդրանքով դիմել էր ՀՀ-ին Երևանի «Կապույտ» մզկիթում ուրբաթօրյա նամազ անցկացնելու խնդրանքով, ինչին ի պատասխան ՀՀ ԱԳՆ-ն մերժել է վերոհիշյալ խնդրանքը, տեղեկացնում է «Հաբերլեր» թուրքական լրատվական գործակալությունը:
«Հայերի անհիմն պնդումների դեմ պայաքրի միության» նախագահի խոսքերով ստացված պաշտոնական պատասխանի մեջ հայկական կողմն իր պատասխանը հիմանավորել է, որ ՀՀ-ն պետական մակարդակով չի թույլատրում սույն կազմակերպությանը ուրբաթօրյա նամազ անցկացնել երևանյան մզկիթում:
Միության նախագահը նշել է նաև, որ թեև հայկական կողմը չի թույլատրել Երևանում նամազ անցկացնել, սակայն հայերը «իրենց ցանկացած ժամանակ այցելում են Թուրքիա, պատարագի մասնակցում և նույնիսկ հավելում, որ իրենք եկել են իրենց հողերը»:
Հիշեցնենք, որ «Հայերի անհիմն պնդումների դեմ պայքարի միությունը» դիմումներ էր ուղարկել Թբիլիսիի և Թեհրանի հայաստանյան դեսպանատներին՝ փորձելով Երևանի «Կապույտ» մզկիթում նամազ անցկացնելու թույլատրություն ստանալ:
Հայկ Դարբինյան
AllTurkey.am
ՀՀ-ն մերժել է Երևանում նամազ անցկացնելու համար հակահայ կազմակերպության դիմումը
•
Leave a Reply