Թուրքիայում ցանկանում են Սուրբ Խաչում հայկական հարսանիքներ տեսնել

Վանա լճի Աղթամար կղզու Սուրբ Խաչ եկեղեցում այս տարվա սեպտեմբերի 7-ին անց կկացվի 5-րդ պատարագը, որը թուրքական իշխանությունների որոշմամբ` անցկացվում է տարին մեկ անգամ:
Անցկացվելիք պատարագի վերաբերյալ տվյալներ է ներկայացրել Գևաշի գավառապետը, ինչից հետո ավելացրել է նաև, որ ինքը շատ կուզեր, որ Սուրբ Խաչում կատարվեին նաև պսակադրության արարողություններ, տեղեկացնում է թուրքական «Ջիհան» գործակալությունը:
Եկեղեցում մատուցվելիք պատարագի նախապատրաստական աշխատանքները համակարգում է Գևաշի գավառապետարանը: Գավառապետը մի քանի պարզաբանում է ներկայացրել կայանալիք պատարագի մասին:
Հետաքրքիր է, որ գավառապետը մասնավորապես անդրադարձել է հետագայում եկեղեցում կատարվելիք պսակադրության արարողություններին ու նաև պատմել Աղթամարի լեգենդը: Նա նշել է, որ շատ լավ կլիներ, եթե եկեղեցում թույլատրվեր նաև պսակադրության արարողություններ կատարվեին:
Նշենք, որ այս շրջանների բնակիչները շահույթ են ստանում Աղթամար հայերի այցերից, ինչով էլ պայմանավորված է նրանց նախաձեռնողականությունը նման հարցերում։
Հեղինակ՝ Հայկ Դարբինյան
AllTurkey.am