Եկեղեցիներն օգտագործում են որպես ախոռ

Սասունում բազմաթիվ եկեղեցիներ օգտագործվում են որպես ախոռ: Առանց ուսումնասիրելու բազմաթիվ պատմական ավերակներ թողել են բախտի քմհաճույքին:
Որևէ շրջանում գտնվող այնպիսի պաշտամունքի վայրեր և կրթական հաստատություններ, ինչպիսիք են հին եկեղեցին, մզկիթը, մեդրեսեն և սինագոգը, ինչպես նաև հոգևոր կրթարանները, ոչ միայն կրոնական կարևորություն ունեն, այլև պատմական կոթող են:
Սասունում բազմաթիվ պատմական կառույցներ ավերված վիճակում շարունակում են իրենց գոյությունը: Սասունում բազմաթիվ ամրոցներ, ջրաղացներ և եկեղեցիներ պայքարում են ժամանակի դեմ: Այլ երկրներում նմանատիպ կառույցների մեծ նշանակություն են տալիս, մինչդեռ մեր շրջանում նման կառույցները ոչ միայն բախտի քմհաճույքին են թողնվում, այլև` ավերվում:
Թեև Սասունի գյուղական շրջաններում գտնվող բազմաթիվ եկեղեցիներ կարող են զբոսաշրջության համար բացել, սակայն մեծամասամբ դրանք կամ ախոռ են օգտագործում, կամ էլ թողել են բախտի քմհաճույքին: Հատկապես գանձագողերի պատճառած ավերածությունների հետևանքով եկեղեցիների մեծ մասը զգալի վնասներ է կրել:
Վերջին տարիներին օրեցօր աճում է արտերկրից եկածների հետաքրքրությունը Սասունի նկատմամբ, սակայն Սասունի պատմական կոթողների վիճակը ողբալի է: Այցելության ընթացքում երբ զբոսաշրջիկները տեսնում են, որ եկեղեցիները որպես ախոռ են օգտագործվում, բավականին վշտանում են և իրենց բողոքն արտահայտում դրա դեմ:
Հետևաբար անհրաժեշտ է, որ իրավասուները կարճ ժամանակահատվածում գյուղացիներին նոր ախոռներ հատկացնեն, իսկ որպես ախոռ օգտագործվող եկեղեցիները` մաքրեն և բացեն զբոսաշրջության համար:
Այս շրջանակում պետք է մաքրելով հսկողության և պաշտպանության տակ վերցնել այնպիսի կիսականգուն եկեղեցիներ, ինչպիսիք են` Գոմք վանքը, Քառասուն Մանուկը, Միտինգը, Բեկսեն, Արծվիկը և Չիրթինիկը:
http://www.sasun.org/haberler/kiliseler-ahir-olarak-kullaniliyor-h550.html
Թարգմանեց Անահիտ Քարտաշյանը
Akunq.net