Թուրքիայի կրթության նախարարությունը ֆինանսական աջակցություն կցուցաբերի հայկական դպրոցներին

Թուրքիայի կրթության նախարարությունը որոշել է ֆինանսական աջակցություն ցուցաբերել երկրում գործող ազգային փոքրամասնությունների դպրոցների լավ սովորող աշակերտներին, տեղեկացնում է «Ակօս» պարբերականի կայքը։
Պետությունը Ստամբուլում գործող հայկական մասնավոր դպրոցներին կհատկացնի 2500-3500 թուրքական լիրա (1250-1750 ամերիկյան դոլար)՝ յուրաքանչյուր առաջադեմ աշակերտի համար։
Այսպիսով, ընդհանուր 1700 աշակերտի համար Թուրքիայի կրթության նախարարությունը հայկական դպրոցներին շուրջ 4.5 մլն թուրքական լիրա (2.3 մլն ամերիկյան դոլար) ֆինանսական աջակցություն կարող է ցուցաբերել։
Դրամական աջակցություն ստացող դպրոցների և աշակերտների հստակ թիվը կորոշվի սեպտեմբերի 9-ից հետո։
Աղբյուր՝ Թուրքագիտական պորտալ
AllTurkey.am