Թուրքիայի նախագահ. «Եթե հայ-ադրբեջանական խնդիրը լուծվի, հայ-թուրքական խնդիրն էլ լուծված կլինի»

Թուրքիայի նորընտիր նախագահ Ռեջեփ Թայիփ Էրդողանը, ով պաշտոնական այցով գտնվում է Ադրբեջանի մայրաքաղաք Բաքվում, իր հայտարարություններում անդրադարձել է հայ-թուրքական հարաբերությունների կարգավորմանը:

Ադրբեջանի նախագահ Իլհամ Ալիևի հետ երկկողմ հանդիպումից հետո Էրդողանը մասնակցել է երկու երկրների պատվիրակությունների հանդիպմանը, որից առաջ հանդես է եկել հայտարարությամբ` ասելով.

«Եթե հայ-ադրբեջանական խնդիրը լուծվի, հայ-թուրքական խնդիրն էլ լուծված կլինի, սակայն եթե չլուծվի, հայ-թուրքական խնդիրն էլ նույն վիճակում կմնա: Սա մենք նախկինում էլ ենք միշտ ասել, և ես նորից կրկնում եմ: Այս հարցում մեր զորակցությունը այսուհետ էլ նույն վճռականությամբ կշարունակենք»:

Այս մասին հայտնում է թուրքական «Միլլիյեթ» պարբերականը:
http://ermenihaber.am/?lang_id=2&news_=3&cur_news=1990