Մեկնարկել է Էրդողանի երկօրյա այցը Ադրբեջան

Ինչպես արդեն հաղորդել էինք` Թուրքիայի նախագահ Թայիփ Էրդողանը իր երկրորդ պաշտոնական այցով, ավանդույթի համաձայն, մեկնել է Ադրբեջան:
Բաքու մեկնելուց առաջ Էրդողանը օդանավակայանում զրուցել է լրագրողների հետ: Խոսելով հանդիպման մասին` նա ընդգծել է երկու պետությունների միջև վաղեմի բարեկամության կարևորությունը և ուշադրություն հրավիրել երկկողմ ներդրումների վրա:
Այսօր Բաքվում տեղի է ունեցել դիմավորման պաշտոնական արարողություն, այժմ ընթանում է Էրդողան-Ալիև երկկողմ հանդիպումը, այնուհետև քննարկումներ են սպասվում ընդլայնված կազմերով:
Էրդողանի հետ միասին Բաքու են մեկնել նաև Թուրքիայի նոր ԱԳ նախարար Մևլութ Չավուշօղլուն, պաշտպանության նախարար Իսմեթ Յըլմազը, ինչպես նաև էներգետիկայի և բնական պաշարների, տրանսպորտի, նավագնացության և կապի նախարարները:

http://ankakh.com/article/2042/myeknarkyel-e-erdvoghani-yerkorya-aytse-adrbyedjan