Թուրքիայում գործունեություն ծավալող, խիստ հայատյաց համբավ ունեցող, այսպես կոչված, «Հայերի անհիմն պնդումների դեմ պայքարի» միության անդամները փորձում են Հայաստան մուտք գործելու վիզա ստանալ, որպեսզի Երևանի Կապույտ մզկիթում ուրբաթօրյա նամազ անցկացնեն, տեղեկացնում է թուրքական «Հաբերլեր» լրատվականը:
Հայաստան մուտք գործելու թույլտվություն ստանալու համար նրանք դիմումներ են ուղարկել Թբիլիսիում և Թեհրանում գործող հայկական դեսպանատներ:
Տվյալ կազմակերպության ղեկավարներից մեկը հանդես է եկել հայտարարությամբ, որտեղ նշել է, որ «թուրքական կառավարությունը, որպես հանդուրժողականության և խաղաղության դրսևորում ամեն տարի թույլ է տալիս Աղթամար կղզու Սուրբ Խաչ եկեղեցում պատարագ մատուցել, իսկ հիմա թուրքերը սպասում են, որ նույն հանդուրժողականության պատասխան ժեստը կցուցաբերի նաև հայկական պետությունը»:
Հայտարարության վերջում նշվում է, որ «իրենց նախկին սերունդները այդ հողերում են մեծացել»՝ նկատի ունի Երևանը, և իրենք ուզում են գալ Երևան, զբոսնել, ինչպես նաև աղոթել այստեղ:
Հայտարարությունում նշվում է նաև, որ սույն կազմակերպության անդամները արդեն ուղարկել են իրենց դիմումները Իրանի և Վրաստանի հայական դեսպանատներ և անհամբերությամբ սպասում են պատասխանի:
Հեղինակ՝ Հայկ Դարբինյան
AllTurkey.am
Երևանում նամազ անցկացնելու համար թուրքական հայատյաց կազմակերպությունը վիզա ստանալու դիմում է ներկայացրել
•
One response to “Երևանում նամազ անցկացնելու համար թուրքական հայատյաց կազմակերպությունը վիզա ստանալու դիմում է ներկայացրել”
-
Moratsel en Canadayi Haygagan tesbanoutioun al timel. Gerevi, ter khelki tchen ingadz
Leave a Reply