Վանի Գյուրփընար գավառում աշխատանքներ են մեկնարկել` 400 տարվա վաղեմություն ունեցող տեղի հայկական քարակերտ եկեղեցին վերանորոգելու ուղղությամբ: Վերականգման շարժառիթ է դարձել զբոսաշրջության զարգացմանը զարկ տալու ցանկությունը: Այդ մասին հաղորդում է Akunq.net-ը` հիմնվելով թուրքական «Իհլաս» լրատվական գործակալության տեղեկության վրա:
Ըստ աղբյուրի` Վան նահանգի Գյուրփընար գավառից 40 կմ հեռավորության վրա գտնվող Ըշըքփընար (Օրթիք) թաղամասում գտնվող վերոնշյալ եկեղեցուց միայն մի մասն է մեր օրեր հասել: Սույն թաղամասում ուսումնասիրություններ կատարած «Հարյուրերորդ տարի» համալսարանի Արվեստի և պատմության բաժնի դասախոս, դոկտոր Մեհմեթ Թոփը «Իհլաս» լրատվական գործակալության թղթակցին տված հարցազրույցում նշել է, որ եկեղեցու արևմտյան հատվածում առկա է պատերով շրջապատված մի բակ, եկեղեցին երկու մասից է բաղկացած եղել: Այն քառանկյուն է: Ներկայում հայտնի է Օրթիկի եկեղեցի անունով: Ըստ Թոփի` քանի որ ներկայում գյուղում ոչ մի հայ չի մնացել, եկեղեցու իսկական անունն անհայտ է:
Akunq.net
Վանում աշխատանքներ են մեկնարկել` 400-ամյա հայկական եկեղեցին վերականգնելու ուղղությամբ
•
Leave a Reply