Նախկին հայկական գյուղում բոլորը մահմեդական են դարձել

«Հյուրիեթ» օրաթերթի` 1964 թ. ապրիլի 7-ի համարում տպագրված տեղեկատվության համաձայն, մի հայկական գյուղի ողջ բնակչությունը մուսուլմանացվել է: Այդ մասին հաղորդում է Akunq.net-ը` հիմնվելով Sasun.org թուրքալեզու կայքում հրապարակված տեղեկության վրա:
Ըստ աղբյուրի` Սասուն գավառին ենթակա Աջար գյուղի` 30 տնից բաղկացած ամբողջ բնակչությունը Բաթմանի մյուֆթի Ալաեդդին Յավուզի ներկայությամբ իսլամ է ընդունել: Գյուղի եկեղեցին մզկիթի է վերածվել, բնակիչների անունները փոխվել են, իսկ բոլոր տղա երեխաները` թլփատվել:
Նախկինում քրիստոնյա եղած սույն գյուղի 88 հոգանոց բնակչությունը, որից 48-ը երեխաներ էին, 40-ն էլ` կանայք ու տղամարդիկ, հարկադրված են եղել մզկիթ դարձնել գյուղի մեկդարյա եկեղեցին:
Akunq.net