Մուշի հայկական եկեղեցիներից մեկը ոչնչացման եզրին է

Ներկայիս Թուրքիայի Մուշ քաղաքի ամենահին կառույցներից մեկը համարվող հայկական Սուրբ Մարիամ Աստվածածին եկեղեցին ոչնչացման եզրին է, այս մասին հայտնում է «Ակօս» լրատվական կայքը:
Եկեղեցին Մուշ քաղաքի՝ նախկինում հայկական եղած թաղամասերից մեկում է, որը հնում անվանվել է «ամրոց»:
«Ակօսի» լրագրողը եկեղեցու իրավիճակի մասին ահազանգել է պատկան մարմիններին, ինչից հետո նախկինում հայկական ընտանիքին պատկանող մի տուն և այդ եկեղեցին անցել են Էրզրում (Կարին-Ակունքի խմբ.) քաղաքի «Մշակութային արժեքների պահպանություն» կազմակերպության հովանավորության տակ:
Այս ամենից հետո էլ, սակայն, եկեղեցին նույն անմխիթար վիճակում:
Սուրբ Մարիամ Աստվածածինը նախկինում եղել է մասնավոր սեփականություն, իսկ 1958 թվականից հետո պատկանել է մի ընտանիքի, որի անունը չի նշվում:
Դժվար է ասել՝ արդյոք հնարավոր է վերականգնել այս կառույցը, թե ոչ, որովհետև այժմ կանգուն են միայն եկեղեցու պատերը:
Հեղինակ՝ Հայկ Դարբինյան
AllTurkey.am