Հայտնի է դարձել Թուրքիայում հայերին պատկանող եկեղեցիների թիվը

Թուրքիայի փոխվարչապետ Էմրուլլահ Իշլերը հայտնել է, թե Թուրքիայի հիմնադրամների գլխավոր վարչության ենթակայության տակ քանի ոչ մահմեդական հիմնադրամ եւ դրանց պատկանող եկեղեցիներ կան:
Թուրքական Anadolu գործակալության փոխանցմամբ՝ Թուրքիայի Ազգայնական շարժում կուսակցության պատգամավոր Օզջան Ենիչերի գրավոր հարցադրմանն ի պատասխան, Թուրքիայի փոխվարչապետ Էմրուլլահ Իշլերը հայտնել է, որ Թուրքիայում կա ոչ մուսուլմանական 166 համայնքային հիմնադրամ, որից 74-ը հունական են, 52-ը՝ հայկական եւ 18-ը՝ հրեական:
Փոխվարչապետի խոսքով՝ հունական հիմնադրամներին պատկանում է 115 եկեղեցի, հայկականին՝ 52 եւ հրեականին՝ 47 սինագոգ: Էմրուլլահ Իշլերը նշել է, թե եւս 17 այլ համայնքներին են պատկանում 42 եկեղեցի:
http://news.am/arm/news/225588.html