Անիի ավերակների ստորգետնյա գաղտնիքները

Թուրքիայում անցկացված «Անի-Կարս գիտաժողով» միջոցառման շրջանակներում պատմագետ Սեզաի Յազըջըն անդրադարձել է Անիի ավերակների ստորգետնյա գաղտնիքներին:

Գաղտնի ջրանցքներ, ճգնավորական խուցեր, մեդիտացիայի սենյակներ, հսկայական միջանքներ, անբացատրելի թակարդներ, անծայր թունելներ… Յազըջըն պատմել է, տասնյակ տարիներ առաջ պեղումնեի ընթացքում հայտանբերված այս ստորգետնյա աշխարհի մասին: Հայտնում է թուրքական «Սոնդաքիքա» լրատվական կայքը:

«Կարսում ՄԱԿ-ի ծրագրերից մեկի վրա աշխատելիս հետաքրքիր պատմություն ականջս ընկավ: 20-րդ դարի առաջին կեսի ամենաազդեցիկ անուններից մեկը` Ջորջ Իվանովիչ Գուրջիեֆը, 1880-ականերին, իր ընկերոջ` Պողոսյանի հետ միասին Անիում պեղումներ են արել: Նրանք հայտնաբերել են ստորգետնյա անցում, որը մի կողմից քարերով փակված է եղել: Քարերը հեռացնելով` հայտնվել են մի սենյակ, որտեղ եղել են կահույքի մնացորդներ, կոտրված սպասք: Բացի այդ, հայտնաբերել են հնագույն մագաղաթներ, որոնց վրա հետագայում պարզվել է, որ հայերեն գրեր են: Երկարատև ուսումնասիրությունների արդյունքում պարզվել է, որ մագաղաթներն իրենցից ներկայացնում են երկու քահանաների նամակագրություն», -պատմել է Յազըջըն: Նա նաև ավելացրել է, որ վերոնշյալ պեղումների ընթացքում հայտնաբերվել են ստորգետնյա քարանձավներ, անվտանգության նկատառումներով օգտագործվող կացարաններ և նույնիսկ աղոթատեղի:

Նա նշելով, որ զարմանալի է` այս թեման առ այսօր մեծ հետաքրքրություն չի առաջացրել, Թուրքիայի Մշակույթի նախարարության ուշադրությունն է հրավիրել հարցի վրա:
«Ինչպես ամբողջ աշխարհում, մեր երկրում նույնպես նմանատիպ հարցերին պետք է կարևորություն տալ»,-ասել է նա:
http://ermenihaber.am/?lang_id=2&news_=4&cur_news=1845