Թուրքական մամուլում ավելացել են հակահայկական հրապարակումները. զեկույց

Թուրքական մամուլում այլատյացության եւ խտրականության ուսումնասիրության աշխատանքների շրջանակներում հերթական զեկույցն է հրապարակվել:
Թուրքական Haberdar կայքի փոխանցմամբ՝ 2014-ի հունվար-ապրիլ ամիսներին իրականացված ուսումնասիրության արդյունքներով թուրքական մամուլում այլատյացության թիրախում ամենաշատը կրկին հայերն են հայտնվել:
Հայերից հետո ցուցակի երկրորդ տեղում հրեաներն են, որոնց հաջորդում են քրիստոնյաների նկատմամբ ատելություն սերմանող նյութերը, իսկ հույները եւ քրդերը եզրափակում են հնգյակը:
Հայերի եւ մյուս ազգային փոքրամասնությունների նկատմամբ թշնամանք եւ ատելություն սերմանող նյութերի քանակով անվիճելի առաջատարն է Yeni Akit պարբերականը, որին հետեւում է Milli Gazete-ն եւ Takvim-ը:
Նշված ժամանակահատվածում էթնիկ խմբերի, ազգերի եւ կրոնական խմբերի դեմ թշնամանք եւ ատելություն սերմանող հրապարակումները կազմել են 188, ինչը գերազանցում է նախորդ տարիներ հրապարակումների թիվը:
http://news.am/arm/news/225213.html