Բախումներ Դիարբեքիրում, կա զոհ

2013 թ. Թուրքիայի քրդաբնակ Դիարբեքիրի Լիջե գավառի Յոլաչթը գյուղում թուրքական ուժերի և ՔԲԿ-ական (Քուրդիստանի բանվորական կուսակցություն-PKK) զինյալների միջև տեղի ունեցած բախման արդյունքում զոհված ՔԲԿ-ականների համար կառուցվել էր գերեզմանատուն, որտեղ էլ օրեր առաջ տեղադրվել էր զինյալների առաջին հրամանատար Մահսում Քորքմազի արձանը:
1986 թ. զոհված Քորքմազի արձանի տեղադրման գործով թուրքական դատարանը հետաքննություն էր սկսել՝ որոշելով ապամոնտաժել արձանը:
Արձանը ապամոնտաժելու նպատակով թուրքական ժանդարմերիայի ջոկատները վաղ առավոտյան գերեզմանատան տարածքում օպերացիա են սկսել: Տարածքում հավաքված բազմությունը ցանկացել է կանխել արձանի ապամոնտաժումը: Կողմերի միջև տեղի ունեցած բախման հետևանքով զոհվել է գլխի շրջանում հրազենային վիրավորում ստացած Մեհդի Թաշքըն անունով 24-ամյա մի երիտասրդ: Եվս 2 բնակիչ հրազենային վերքերով տեղափոխվել են հիվանդանոց:
Արձանն այնուամենայնիվ ապամոնտաժվել է:
http://ermenihaber.am/?lang_id=2&news_=7&cur_news=1771