Թուրքիայում վերանորոգվում է Մարութա սարի գագաթի Սուրբ Աստվածածին եկեղեցին

Ներկայում Թուրքիայի տարածքում գտնվող Սասունի Մարութա (Մարաթուկ) լեռան գագաթին գտնվող Սուրբ Աստվածածին եկեղեցու վերանորոգման աշխատանքների համար Ստամբուլից հատուկ մասնագետների խումբ է ժամանել Սասուն:
Թուրքական Haberkita կայքի փոխանցմամբ՝ Սասունի հայերի միության ջանքերով Սասունի Մարութա սարի գագաթին գտնվող Սուրբ Աստվածածին եկեղեցում սկսվել են վերանորոգման աշխատանքները, որոնք սկզբնական փուլում ներառում են ռելիեֆային աշխատանքները, իսկ մեկ ամիս անց նախատեսվում է անցնել բուն վերանորոգմանը:
Սասունի հայերի միության նախագահ Ազիզ Դաղջըն նշել է, թե ռելիեֆային աշխատանքներն իրականացվում են ժամանակակից տեխնիկական միջոցներով, իսկ եկեղեցու ամբողջական վերականգնման աշխատանքները նախատեսվում է ավարտել 2015 թվականի հուլիսին:
Նշենք, որ Մարութա սարը գտնվում է Արեւմտյան Հայաստանի Սասուն գավառում եւ եղել է սասունցիների սիրած եւ պաշտելի սարը, որը կոչվել է նաեւ Մարաթուկ։
http://news.am/arm/news/224427.html